«Абай» клубы

 ҚР Президенті Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласын жүзеге асыру аясында «Абай даналығы» жобасын насихаттау мақсатында ашылған

 «Абай » клубының  мақсаты:

Қазақтың бас ақыны Абайдың өмірі мен шығармашылығын рухани құндылықтар арқылы жас ұрпақ бойына сіңіру.

 Абай шығармалары арқылы оқушы дүниетанымдық ой-өрісін кеңейту.Абай мұрасын оқыту арқылы шығармашылықпен айналысатын, рухани дамыған жеке тұлғаны қалыптастыру. Елбасының «Болашаққа бағдар: рухани жаңғыру» мақаласындағы ойлармен үндестігін түсіндіру; олардың шығармашылық қабілеттерін,эстетикалық талғамдарын,мәдениетін дамыту.

«Абай» клубының міндеттері:

• ақынның  қарасөздері,  өлеңдері  мен  поэмаларындағы  ақындық  биік мұрат, адамгершілік идеяларын таныту; 
• ақынның  туындыларын  оқыту  арқылы  оқушылардың  ұлттық  танымын қалыптастыру, шығармашылық қиялын дамыту, автордың ұстанымын түсінуге баулу;

          Ізденімпаздық, шығармашылық қабілеттерін жетілдіру:

• Абай өлеңдерін мәнерлеп жатқа оқып оны талдай білу деңгейіне жеткізу;
• Абай мұрасын оқып үйрене отырып, алған білім мен дағдыларын әртүрлі жағдаяттар мен сайыстарда қолдана алуға тәрбиелеу;  

    Күтілетін нәтиже:  

• -Абай туралы, оның асыл қазынасы туралы білімдері толығады.
• -Білім сапалары артады.
• -Поэзияны сүйетін, эстетикалық сезімдері, дүниетанымдары жетілген тұлғалық қасиеттері дамиды.
• -Адамды құрметтеу, оны бағалау сезімдері артады.
• -Ұлтжандылық, Отансүйгіштік сезімдері қалыптасады. Азаматтық позициялары беки түседі.
• -Адамзат баласын құрметтеу, ізгілік пен имандылықты өмірінің мақсаты ете білетін әділ, «халық» деп соққан жүрегі бар жан-жақты тұлға қалыптастыруға қол жеткізуге болады.

Түсінік хат

Еліміз  өзінің  дербес  тәуелсіздігін  алғаннан  кейін  ұлттық  сана-сезімінің өсуіне, халқымыздың рухани қуатының молая түсуіне кең өріс ашылды.  Осы мақсатта Абай Құнанбайұлының туғанына 175-жыл толуына  орай  «Абай» клубы  ашылуы бекітілді.

Жалпы  білім  беретін    мектептердің  5-11-сыныптарына  арналған  «Абай әлемі» клубының  жылдық  оқу  бағдарламасы айына бір рет өткізілуге    бөлінген.  Оның  әр  сағаты Абай шығармаларын оқуға, өлеңдерін жаттауға, рөлдік-желелік    материалдарды  ойнатуға, қойылымдар қоюға, сайыстарға қатысуға, шығармашылық  жұмыстарды орындауға арналады.

«Абай әлемі» клубының  жобасы  мектеп  оқушыларын  Абай шығармашылығының  ұлттық  әдебиетіміздің  өркендеуіне  жасаған  идеялық-көркемдік  ықпалын  жан-жақты  саралай  отырып,  терең  ұғындырып, Абайдың  тарихи,  ғылыми    құнды  нәтижелерін  танып  білуге, насихаттауға  баулиды.

Тақырыптардың өзара сабақтастығы, мазмұны жағынан топтастырылуы, жалғастығын табуы  клубтың басты ұстанымы етіп алынған.  

14.04.23 күні Ерейментау ауданы бойынша Абай клубтарының бастауыш сыныптар арасында "Абай оқулары" байқауы өтті. Сайысқа 100-ге жуық оқушы қатысты. Мектебіміздің намысын қорғағандар: 
1 "А" сынып оқушысы Есенбекқызы Айзере 2 орын, жетекшісі Амангелді Гүлжан. 
2 "Ә" сынып оқушысы Анес Нұрислам Турсанұлы 3 орын, жетекшісі Анес Хуандаг. 
4 сынып оқушысы Сураухан Айдана 2 орын, жетекшісі Алькей Каукар. 
4 сынып оқушысы Бахытбек Жанайым 1 орын, жетекшісі Мухамед Оралгүл. Сонымен қатар 3 "А" сынып оқушылары көрініс бойынша 2 орынға ие болды. Жетекшілері Жунусова. Н.С.
Барлық оқушылар мен жетекшілерді құттықтаймыз!